A Sabia ten un deseño único que lle confire as seguintes características:
- Moeda dixital de uso sinxelo dende teléfonos móbiles e ordenador cun valor aproximado de un euro.
- Unha moeda de ámbito galego que representa un compromiso co consumo de proximidade, que potencie o pequeno e mediano comercio e o autoemprego.
- Mercado online gratuito para ofertas de bens e servizos co que promocionarse e contactar directamente coa tenda ou a persoa que os ofrece.
- Mapa para consultar as tendas e negocios que aceptan a moeda, nos que ademáis de usala podes mercala con euros.
- Uso libre e inscripción aberta a tódalas persoas e comercios que desexen unir forzas con esta ferramenta sen ningún tipo de discriminación.
Os beneficios de utilizar a moeda
A pesar de que existen menos opcións onde utilizala que o euro, unha moeda rexional con este deseño ten o potencial de crear grandes beneficios:
- Para comezar a ofrecer productos e servizos terás que recoñecer todo o que podes aportar á túa comunidade. É hora de poñerse en valor a unha mesma.
- Se tes unha tenda ou unha pequena empresa verás como aumenta a túa facturación ao tempo que chegas a novos clientes.
- Unha moeda que circula localmente permite que cada vez que a gastas sexa máis fácil que acabe volvendo a ti.
- Podes participar na asamblea que goberna a túa moeda e facer que a túa forma de ver o mundo conte igual cas das demáis.
- Se sodes un proxecto dedicado a mellorar a sociedade e rexenerar o medio ambiente podes recibir unha axuda en moeda local.
- Reforza vínculos comunitarios xa que prmite coñecerse, colaborar e decidir colectivamente que valores facer realidade.
- Apréndese moito sobre ese gran descoñecido que é o diñeiro e as regras que o gobernan.
¿Que riscos se asumen aceptando a moeda?
Que a moeda deixe de usarse e polo tanto non sirva para mercar nada. Isto pode suceder por moitos motivos que teñen que ver cunha perda da confianza no proxecto.
O risco só o asumen as persoas que teñen a moeda nas suas contas sen utilizar. Ademáis canto menor é o número de usuarias máis fráxil é o sistema.
Medrar, clave para o éxito.
Cunha ampla comunidade de usuarias comprometidas os riscos diminúen e os beneficios aumentan considerablemente. Por iso é tan importante asegurarse de que a expansión da moeda ocorre de forma sinxela e sen fricción ata lograr unha masa crítica óptima.
A asamblea
A asamblea é fundamental para materializar os valores que compartan as participantes do proxecto. Xa que a adhesión e utilización da moeda son libres, a asamblea ten que exercer de forza complementaria ás leis do mercado. As necesidades da comunidade e do medio ambiente contan co bo xuízo da asamblea para satisfacerse.
A asamblea debe ser o espazo onde diferentes formas de valor son recoñecidas mediante a óptima asignación dun recurso común xerado entre todas: moeda de nova creación. Búscase ter un impacto positivo no medio ambiente e na sociedade o máis visible posible.
Para isto a asamblea conta cos seguintes métodos de actuación:
- Determinar o estado da rede e crear moeda en sintonía cun aumento do valor que respalda a moeda (reputación, compromisos das usuarias e expectativas futuras).
- Asignar esta moeda recén creada con sensibilidade por todas as formas de valor que o merecen a través de proxectos concretos.
- Dinamizar a moeda para favorecer os intercambios e o crecemento da comunidade e lograr un grande respaldo cidadá.
- Poder de veto no mercado online de productos e servizos amplamente denostados que deterioren a imaxe pública do proxecto de cara a seguir medrando.
- Explorar e introducir novas ferramentas dixitais, ou cambiar as existentes, para facilitar o bó funcionamento da moeda e a toma de decisións.
Mentres a comunidade da moeda non sexa demasiado grande unha asamblea presencial e boas canles de comunicación horizontal son unha boa forma de controlar entre todas o que está pasando e responder adecuadamente. Pero a medida que o proxecto medre isto pode deixar de ser así e teremos que recurrir a ferramentas dixitais de toma de decisións e coordinación de traballo voluntario, que complementen os encontros presenciais.
